ᐃᓄᑑᓱᖓ
ᓵᓕ ᐋᑕᒥᐅᑉ ᐃᙱᒐᖓ, ᐃᓄᒡᔪᐊᕐᒥᐅᖅ, ᓄᓇᕕᒃ

ᐅᓪᓗᑕᒫᑦ ᐅᓪᓛᑕᒫᑦ ᑐᐸᑉᐸᑉᐳᖓ
ᐃᓄᐃᑦ ᓄᓇᖓᓐᓃᑦᓱᖓ
ᑕᑉᐸᐅᖓ ᑕᑯᓴᓕᕋᒪ
ᓯᕿᓂᕐᒥᓗ ᓄᕗᔭᒥᓗ ᑕᑯᕙᑉᐳᖓ

ᓯᓚᕗᓪᓕ ᖃᓱᖓᑦᓯᐊᓕᕐᒪᑦ
ᐊᓂᖅᑎᕆᑦᓯᐊᖓᓕᖅᓱᓂ
ᐃᔩᒃᑲ ᐅᐃᑕᑎᒋᐊᖅᐸᒃᑲ
ᐃᓄᑑᓇᖓ ᑐᐸᒃᑲᒪ ᖁᕕᐊᓱᑉᐳᖓ

ᐃᓄᐃᑦ ᓄᓇᖓᓃᒃᑲᒪ
ᐅᕙᖓ ᐃᓅᒻᒥᒐᒪ
ᖁᕕᐊᓱᒻᒪᕆᓕᕋᓗᐊᖅᐳᖓ
ᐃᓄᑑᓇᖓ ᑐᐸᒃᑲᒪ ᖁᕕᐊᓱᑉᐳᖓ

ᐅᓪᓗᑕᒫᑦ ᐃᓕᑦᓯᕙᓪᓕᐊᕗᖓ
ᖃᐅᔨᒪᓚᐅᙱᑕᕐᓃᕙᖓ
ᐃᓱᒪᒋᓚᐅᙱᑕᕐᓃᕙᖓ
ᐃᓅᑑᓇᖓ ᐃᓕᑦᓯᒐᒪ ᖁᕕᐊᓱᑉᐳᖓ

ᐃᓄᐃᑦ ᓄᓇᖓᓃᒃᑲᒪ
ᐅᕙᖓ ᐃᓅᒻᒥᒐᒪ
ᖁᕕᐊᓱᒻᒪᕆᓕᕋᓗᐊᖅᐳᖓ
ᐃᓄᑑᓇᖓ ᑐᐸᒃᑲᒪ ᖁᕕᐊᓱᑉᐳᖓ (x3)

Inutuusunga
by Charlie Adams, Inukjuak, Nunavik

Ullutamaat ullaatamaat tupappappunga
Inuit nunanganniitsunga
Tappaunga takusalirama
Siqinirmilu nuvujamilu takuvappunga

Silavulli qasungatsialirmat
Aniqtiritsiangaliqsuni
Ijiikka uitatigiaqpakka
Inutuunanga tupakkama quviasuppunga

Inuit nunanganiikkama
Uvanga inuummigama
Quviasummariliraluaqpunga
Inutuunanga tupakkama quviasuppunga

Ullutamaat ilitsivalliavunga
Qaujimalaunngitarniivanga
Isumagilaunngitarniivanga
Inuutuunanga ilitsigama quviasuppunga

Inuit nunanganiikkama
Uvanga inuummigama
Quviasummariliraluaqpunga
Inutuunanga tupakkama quviasuppunga