ᓄᒫᓱᙱᑉᐳᖓ Numaasunngippunga

ᓄᒫᓱᙱᑉᐳᖓ
ᑯᓅᑉ ᐃᙱᖅᑕᖓ, ᐃᒃᐱᐊᕐᔪᖕᒥᐅᖅ, ᓄᓇᕗᑦ

ᓄᒫᓱᙱᑉᐳᖓ
ᐅᒡᒍᐊᑐᐃᓐᓇᖅᐳᖓ
ᐅᖃᓪᓚᖃᑎᒋᐅᔭᓚᐅᕋᒃᑭᑦ

ᓂᙵᐅᒪᙱᑉᐳᖓ
ᓴᐃᓕᑐᐃᓐᓇᖅᐳᖓ
ᑲᔪᓯᔪᐃᓐᓇᐅᔪᓐᓇᕋᓐᓄᒃ

ᖃᐅᔨᒪᓂᐊᖅᐳᑎᑦ
ᓇᒡᓕᒌᓐᓇᐅᔭᕐᓂᐊᖅᑕᒋᑦ

ᑭᓯᐊᓂ
ᐱᓱᓯᓗᖓ

ᐃᖅᑲᐅᒪᓂᐊᖅᐸᒋᑦ
ᐃᖅᑲᐅᒪᓂᐊᖅᐱᙵ?

Numaasunngippunga
By Becky Han, Ikpiarjuk (Arctic Bay), Nunavut

Numaasunngippunga
Ugguatuinnaqpunga
Uqallaqatigiujalaurakkit

Ninngaumanngippunga
Sailituinnaqpunga
Kajusijuinnaujunnarannuk

Qaujimaniaqputit
Nagligiinnaujarniaqtagit

Kisiani
Pisusilunga

Iqqaumaniaqpagit
Iqqaumaniaqpinnga?

ᐃᒥᖅᑕᖅ Imiqtaq

ᐃᒥᖅᑕᖅ
ᕇᑕᐅᑉ ᐃᙱᖅᑕᖓ, ᐸᓐᓂᖅᑑᕐᒥᐅᖅ, ᓄᓇᕗᑦ

ᐃᒥᖅᑕᖁᔭᐅᒍᒪ
ᓱᐊᖓᔭᐅᒐᓗᐊᕈᒪ
ᐅᓪᓚᕈᒪᒐᔭᖅᑐᖓ
ᑕᐅᓄᖓ ᑕᐅᓄᖓ ᑕᐅᓄᖓ

ᐃᒥᖅᑕᕆᐊᑎᓪᓗᖓ
ᒪᓕᒍᒪᓐᓂᕈᕗᑦ
ᒪᓕᓂᐊᖅᑯᑎᑦ
ᑕᐅᓄᖓ ᑕᐅᓄᖓ ᑕᐅᓄᖓ

Imiqtaq
By Riit, Pangnirtung, Nunavut

Imiqtaqujauguma
suangajaugaluaruma
aullarumagajaqtunga
taununga taununga taununga

Imiqtariaqtillunga
maligumanniruvit
malinniaqqutit
taununga taununga taununga

Also available on Spotify and Apple Music.

ᐊᐃᒎᖅ
ᐃᑦᑐᓗ ᐊᒻᒪᓗ ᓲᓴ ᐊᓐᓂᕐᒥᐅᑉ ᐃᙱᒐᖓ, ᐸᓐᓂᖅᑑᕐᒥᐅᒃ, ᓄᓇᕗᑦ

ᐊᐃᒎᖅ ᖃᐅᔨᓚᐅᖅᓯᒪᕕᙵ ᐃᓕᓐᓂᒃ ᐱᐅᑦᓴᑎᓪᓗᖓ
ᓯᓚᒥ ᑕᑯᑐᐊᕋᐃᒐᒃᑭᑦ ᐃᕿᒻᒥᙳᐊᓯᕙᑉᐸᒋᑦ

ᑐᓴᖅᑎᓚᐅᖅᓯᒪᙱᓚᖓ ᐅᕙᓐᓂᒃ ᐱᐅᑦᓴᑦᑕᕋᓗᐊᖅ
ᑕᐃᒫᓪᓕ ᐱᒋᓇᔭᖅᐸᙵ ᐅᐸᑐᐃᓐᓇᕐᓂᕈᕕᙵ

ᑭᓇᒥᑦ ᐱᖃᓐᓈᓕᐊᐱᐅᕕᑦ ᑕᐃᒫᒃ ᑐᖁᕙᙵᓕ
ᑕᐃᓐᓇ ᐃᓕᓐᓂᒃ ᐱᖃᓐᓈᓕᒃ ᑐᓱᒋᒻᒪᕆᓕᖅᐸᕋ

ᑕᐃᒫᒃ ᐅᖃᐅᑎᓐᓂᕈᕕᙵ ᖃᐃᓯᒪᓇᔭᓕᖅᐳᖓ
ᓱᒻᒪᓪᓕ ᐃᓕᕋᒋᕕᙵ ᐃᓄᕈᓗᑐᐃᓐᓇᐅᔪᖓ

ᓯᕗᓪᓕᖅᐹᒥᒃ ᑕᑯᒐᒃᑭᑦ ᐆᒻᒪᑎᒐ ᐊᐅᓚᔾᔭᑉᐸᖅ
ᐃᓕᓐᓂᒃ ᐱᐅᑦᓴᓗᐊᕐᓂᑯᒧᑦ ᐱᑖᕆᔪᒪᓕᖅᓱᑎᑦ

ᐱᑖᕆᔪᒪᑦᑕᕈᑎᙵ ᖁᕕᐊᓱᒃᑲᔭᖅᑐᖓᑦᑕᐅᖅ
ᐃᓕᓐᓂᒃ ᐱᐅᑦᓴᐸᒻᒥᒐᒪ ᐃᓱᒪᒋᔭᐅᔪᕆᓇᖓ

Aiguuq
by Etulu & Susa Aningmiuq, Pangnirtung, Nunavut

Aiguuq qaujilauqsimavinnga ilinnik piutsatillunga
Silami takutuaraigakkit iqimminnguasivappagit

Tusaqtilauqsimanngilanga uvannik piutsattaraluaq
Taimaalli piginajaqpannga upatuinnarniruvinnga

Kinamik piqannaaliapiuvit taimaak tuquvanngali
Tainna ilinnik piqannaalik tusugimmariliqpara

Taimaak uqautinniruvinnga qaisimanajaliqpunga
Summalli iliragivinnga inurulutuinnaujunga

Sivulliqpaamik takugakkit uummatiga aulajjappuq
Ilinnik piutsaluarnikumut pitaarijumaliqsutit

Pitaarijumattarutinnga quviasukkajaqtungattauq
Ilinnik piutsapammigama isumagijaujurinanga